गदाल परिवारका छोराहरू दिपक गदाल, विनोद गदाल तथा छोरीहरू मिना र पार्वतीले आफ्नी आमा पुतली वि.क.को स्मृतिमा उक्त अक्षयकोष स्थापना गरेका हुन् ।

अक्षयकोषबाट प्राप्त ब्याजबाट प्रत्येक वर्ष दुई जना दलित विद्यार्थीलाई छात्रवृत्ति प्रदान गरिने जेठा छोरा दिपक गदालले जानकारी दिए । उनले विपन्न परिवारका विद्यार्थीलाई केही हदसम्म राहत मिलोस् भन्ने उद्देश्यले कोष स्थापना गरिएको बताए ।

उनले आगामी दिनमा उक्त कोषमा थप रकम वृद्धि गर्दै जाने योजना समेत रहेको जानकारी दिएका छन् ।